الجزء الثاني
حبيبي لا تعذب من إذا طال الجفا يهواك
تولع في هوا حبك و حبك صدق يحلالي
وانا ماهمني إلا اشوفك و التقي وياك
وابدد وحشة غيابك بوصلك يا بعد حاليحميد وهو في دربه : ياربي ليش الريم دوم في البال - لهالدرجة يالريم قدرتي تسلبين وتاخذين كل تفكيري لج !
وابتسم وعقب وصل الشركة و نزل من السيارة و توجه لمدخل الشركة
وهو داخل الشركة
ممدوح (سكرتير بو محمد ) : اهلا يا حميد - ازيك ؟ عامل ايه !
حميد : بخير ربي يسلمك و يعافيك و من صوبك ؟
ممدوح : انا تمام التمام - وهو شال معاه صحن فول : تفضل ؟
حميد وبداخله ( خيبه من صباح الله خير تباني اكل لك فول - ماكو شغله هو !!
وقال حميد بصوت خفيف : انا اكل البيت ما كليته
ممدوح : انته بتاوول اييه !!
حميد : قلت بالعافيه عليك - ألا اتخبرك ابويه وين ؟ موجود في مكتبه
ممدوح : لأه - ابوك طلع مع رجاله عندهم بزنس مع شركة تانيه - بس عطاني معاملات و أأل اول ما يجي حميد ادييهم اياه
حميد : خلاص و ان شاء الله راح اخلصهن و اعطيك عسب تعطيهن لابوي
ممدوح : خلاص ياباشا
................ومن جهة ثانيه - ام محمد و ام جاسم مزهبين فوالتهن و يالسين في حوي البيت ومعاهم ام محمد وام جاسم (
اليده عوشة) وشوي فيوزاتها
تضرب و تخرف عليهم
وكان ( يجمعهم حوي واحد)
ام محمد : اليوم مريوم هالهرمة ما طاعت تسير المدرسة - مادري بلاها هالبنت
ام جاسم : يمكن تعبانه او مب راقدة شي !
ام محمد : ليش مب كل يوم حلاوة يا ام جاسم - تصدقين هي والدراسة اعداء من الخاطر
ام جاسم : الله يوفقها و ينجحها و يرزقها بالزوج الصالح
ام محمد : اخاف ريلها يشرد من لسانها الطويل
اليده عوشة : ما طاحت بايدي هذي خلوني استلمها بالعصا - هذي فطوم شيطانة
ام جاسم : بسم الله على بنيتي - عاد كله ولا بنتي - عمو عوشة هذي مريم بنت حصة
اليده عوشة : مريمو - ملعوونه الصير بخليها تذوق مرارة عصاتي
وتمن يسولفن و خذتهن السوالف
................................مريم في الغرفة و المنبه يرن ع الساعة 11 الصبح
المنبه : تي تي تي تتتت تي تي تي تتتتت تي تي تي
مريم : حشا مب منبة - طر طبلة اذني اوووف
وهي تشوف الساعة : اوووبس الساعة 11 كيف بفلت من رمسة امي و حشرتها - بسبح و عقب بسير عند العيوز
وعقب 20 دقيقة
مريم نزلت و ماشافت حد ف البيت : ياربيه وينهم اختفوا بسم الله - شانتي شانتي شانتيووووه
شانتي : انتي شوو - ماما بيضرب انتي واجد عشان مافي روح مدرسه
مريم : سيري عني لاه - اقولج حطي ريوق بسرعة هااه
شانتي : الحين ما وقت ريوق - وقت مال غدا
مريم : انتي تسمعين الرمسه ولا شو !
شانتي : انجيين انا بسوي ريوق بس شو يبى انته ؟
مريم : سويلي سندويش جبن و شاي
شانتي : انجيين ماما مريم
مريم : ويعه تويعج ان شاء الله - قوليلي البرنسيسة مريوومه
شانتي و بداخلها تتهذرب وفي طريقها للمطبخ : انا في قول ام لسان واايد كبيييير إلي مافي ابداً نهاية
مريوم تطلع برع في حوي البيت و تشوف الحريم يالسات
وتعفد ع امها : صباحكووو
امها : اشوف مناك سيري عني مابي اشوف رقعة ويهج
مريم : افا كله و لا حصة ما نروم على زعلها قبل ما تبدا الفرصة
اليده عوشة : مريووم حبيبتي تعالي شوي هني عندي لج حلاوة
مريم : اوو تطورت العزبه - يدوه صدق عندج حلاوة ماحيدج - احيد انج دووم ف عالم ثاني
اليده عوشة : هيه عندي لج حلاوة اشتريتها من بابو راعي الدكان
مريم : انزين يلا بيي و عطيني
مريم تقرب صوب اليده عوشة و اليده عوشة تمسك ايد مريم و تذوقها مراره العصا
مريم : آآآي ي آآآي يعور بس حشا مب ايييد - ويع ان شاءالله
اليده عوشة : ياللي ما تستحين تقولين ليدوتج جي استاهلي اكثر
مريم : خلاص توبه بسير المدرسة من يوم ورايح ولا اني اتعذب كل يوم
اليده عوشة هدت مريم و على طوول مريم ربعت لداخل
---------في صحارى سنتر
فاطمه و ربيعاتها ومن ضمنهن الريم اللي شغلت هوى حميد
يتمشن و دخلن محل افتر شوك يبوون يتجهزن لخطوبة ربيعتهن
فاطمة : الريم شوفي هالفستان البنفسحي - لو خذيتيه بيطلع غاوي عليج
الريم : صدق يعني بس ممم ما عيبني لذاك الزود
فاطمة : بلى حلو عليج انتي جربيه و راح نشوفه عليج
دشت الريم غرفة التبديل و طلعت لهم بالفستان كااان خبال عليها
منال ربيعتهن : ماشاالله عليج يالريم غديتي شرات العروس و الله انه جمالج راح يعذب قلوب الرياييل
الريم : عاد مب لهالدرجة انا مب مقتنعة بجمالي
فاطمة وفي داخلها : مادري على شو متكبره هذي - ع جمالها و لا دلالها مادري منو بياخذها - متى ربي راح يجمعني بولد عمي حميد
ونكون من نصيب بعض
والريم و هي لابسة الفستان : يارب هل راح اكون من نصيب حميد ؟
المهم اشترن البنات لهن الفساتين و قالن راح يتوجهن للصالون عسب يتحنن
وخلصن و جي وعقب ردن البيت
الريم : اقول فطيم لو ما عليج امر - ممكن توصليني البيت لان دريولنا شوي مشغول
الريم بيتهم بنفس حارة فاطمة بس من بينهم شارع واحد
فاطمة : افا عليج انا في الخدمة
المهم ركبت الريم مع فاطمة وفي الدرب سمعن هالاغنية
ياشوق قلب (ن) يشيل الحب و شلونه
عساه بعده على علمي و يطريني
خايف تكون الليالي شدة ظعون
وقفة ولا عاد يذكر ماضي سنيني
تسأل عن الحب وانته الحب وشجونه
تدري غرامك ساكن داخل شراييني الريم وفي داخلها : متى يا حميد نكون لبعض متى !!
وعلى فكرة ترا فاطمة تدري ان الريم وحميد يحبون بعض
بس الريم ما تدري انه فاطمة تحب ولد عمها
فاطمة : اقولج الريم نسيت شي من البيت فبنخطف اول شي صوب بيتنا عسب اييب هالحايه و عقب بردج البيت
الريم : اوكي
ووصلت فاطمة حذال البيت ونزلت
والريم تمت داخل السيارة داخل و دريشتها كانت مفتوحة لان الجو برع كان بارد و حلو
المهم الريم كانت يالسة
وحميد كان راد من الدوام و برد للبيت واول ما وصل البيت شاف سيارة فاطمة و منو داخلها
الريـــم !!
معقولة الريم ! لا ما استوعب !!!
وتم حميد يرددها
وقال : انا لازم الحين اتجرأ و اسير اسلم عليها - لج وحشة يا شيخة المزايين
وسار حميد صوب السيارة
وقال بصوت خفيف : الريم شحالج ؟
الريم : حميد !! و الف علامة تعجب ف ويهها !!
الريم : شو تسوي هني ما فينا بعد
حميد : ما علي انا من حد - شحالج يالريم - وينج مختفيه كنتي دومج في بيتنا
كل ركن في البيت يذكرني في ايام طفولتنا الحلوة
لهالدرجة يالريم قطعتينا مرة وحده ولا قمتي تسألين عنا
تراه من طول الغيبات ياب الغنايم
الريم : لا تسوي شبهة للناس انا مافيني بعد يرمسون عنا - حميد توكل و سير البيت
وفاطمة طلعت من البيت وشافت حميد واقف عدال دريشة الريم
وفاطمه من ورا حميد : حميييد شو تسوي هني !
حميد : ها ؟ شو ؟ ماشي شفت الريم و قلت بسلم عليها من زمان ما تنشاف
فاطمة : اها بس الحركة مب حلوة
حميد وهو مايعرف شو يسوي : ليش مب حلوة - عادي ترا الريم بنت الجيران وكانت ربيعتنا من ايام الطفولة و لا نسيتي !
فاطمة : ولا حبيبتك !!
الريم و حميد الف علامة تعجب بويووهم
ياوقت ما نحتاج للحب عنوان
نحتاج تفتح للهنا بابك
نبغي الحنان يكون في هيأة انسان
واقف يقول لشوقنا مرحبا بك !--------------------------------------
شو تتوقعون تكون رده فعل الريم من الموقف اللي استوالها مع حميد ؟
وحميد كيف كانت نفسيته اول ما شاف الريم من بعد غيبة طولت لسنين
وفاطمة ما مقدار الحقد اللي شلته عليهم ؟
اتريوو الاحداث الياية في البارت
الثالث 
.gif "مميز"){kind=icon}
من طرف 
